2021-11-06
Misir portalı Prezident İlham Əliyevin Qlobal Bakı Forumunda çıxışını tam yayımlayıb
Qahirə, 6 noyabr, AZƏRTAC
Misirin “Əl Diplomasi” portalı Azərbaycan Prezidenti İlham Əliyevin himayəsi altında və Nizami Gəncəvi Beynəlxalq Mərkəzinin təşkilatçılığı ilə “COVID-19-dan sonrakı dünya” mövzusunda keçirilən növbəti Qlobal Bakı Forumunda dövlətimizin başçısının çıxışının tam mətnini və videosunu yayımlayıb.
İngilis dilində də informasiyalar yerləşdirən portalın AZƏRTAC-a istinadla yaydığı materialda Prezident İlham Əliyevin çıxışı misirli oxuculara ərəb dilində təqdim edilib.
Oqtay Bayramov
AZƏRTAC-ın xüsusi müxbiri
